(FOTO) Njihuni me “bishën” e Zlatan Ibrahimovic. Suedezi transformon jahtin 15 milionë euro në shtëpi
Nga OraNews Përditësimi i fundit 27 Gusht 2022, 07:21
Zlatan Ibrahimovic ka një jaht të ri dhe nuk bën asgjë për ta fshehur madje gjatë ditëve të fundit, sulmuesi ka ndarë me fansat në Instagram momente nga pushimet e tij të tejzgjatura për shkak të dëmtimit.
Në një video të gjatë ai ndan me fansat detaje nga “bisha” e deteve që e ka blerë vetëm pak kohë më parë. Quhet “Uknknown” dhe është i kategorisë Oasis 34, i prodhuar nga Benetti në një nga kantieret më të vjetër të Europës në Viareggio.
Me gjatësi 34 metra, vlera e jahtit është 15 milionë euro. Në jaht Ibra mund të shijojë edhe avantazhet e pishinës së personalizuar, siç shihet edhe nga imazhet e publikuara në Instagram. Jahti është dizenjuar nga stdioja angleze “RWD”, ndërsa pjesa e brendshme nga “Bonetti/Kozerski Architecture”.
E veçanta e këtij jahti është aspekti i sigurisë pasi mund të përballojë dallgë deri në disa metra të larta. Ibra ka vendosur të kalojë shumë kohë deri në rikuperimin e plotë pikërisht në bordin e pronës së tij më të re.
