Bunkerë për shkolla në Ukrainë, hapen streha për mbrojtjen e nxënësve nga bombardimet
Nga OraNews Përditësimi i fundit 23 Gusht 2022, 11:06
Në Ukrainë autoritetet po përshtasin bunkerë për të strehuar nxënësit e studentët gjate vitit te ri shkollor, si e vetmja mënyrë për t’i mbrojtur nga bombardimet ruse. Mësimi online po vështirësohet për shkak te infrastrukturës. Pas dy vitesh pandemi dhe gjysme viti lufte, atje po krijohet një brez i humbur.
Objektet arsimore në Ukraine po shndërrohen në bunkerë dhe streha mbrojtëse nga bombat për nxënësit dhe studentet ne prag te fillimit te vitit te ri arsimor.
Ndërsa shkollat përgatiten të hapin dyert e tyre në shtator, shumë edukatorë po përballen me faktin se ata nuk kanë aftësinë për të ofruar siguri për nxënësit, apo paqe mendore për prindërit, nëse shkollat e tyre sulmohen.
Ukraina, e njohur për inovacionin dixhital, u përqendrua shpejt në mësimin online pasi infrastruktura mbajti peshën kryesore të ofensivës ruse.
Por mungesa e pajisjeve teknologjike dhe aksesi në internet me shpejtësi të lartë ka paraqitur një sfidë.
Luftimet kanë dëmtuar 2 mije e300 nga 17mije 000 shkolla. Ministri i arsimit tha se rreth 59% e shkollave dhe universiteteve nuk janë gati për në shtator.
Pas dy vitesh Covid dhe gjysmë viti lufte, mësuesit shqetësohen se hendeku i njohurive po rritet mes fëmijëve.
Këtë here janë prindërit ata qe do te duhet të vendosin nëse për dërgimin ose jo te fëmijëve në shkolla.
Shumë prej tyre janë ngurrues pasi jetojnë pranë vijave të frontit lindor dhe kanë zgjedhur metodën online për shkak të rrezikut të vazhdueshëm të sulmeve të artilerisë dhe sirenave të sulmit ajror, të cilat janë bërë pjesë e jetës në shumë qytete dhe qytete të Ukrainës.
Lufta ka shkaktuar gjithashtu një largim masiv të mësuesve nga vendi e për këtë shkak po krijon rrezikun e një brezi të humbur sipas anketimeve.
Kjo është arsyeja pse autoritetet po shohin mundësinë e strehëzave mbrojtëse nga bombat.
