Rritet numri i të vdekurve nga përmbytjet në Kentaki
Nga OraNews Përditësimi i fundit 30 Korrik 2022, 18:08
Të paktën 25 njerëz kanë vdekur nga reshjet shkatërruese që përmbytën Kentakin lindor.
Ky numër i vdekjeve ka të ngjarë të vazhdojë të rritet ndërsa përpjekjet e kërkimit vazhdojnë.
Gjashtë fëmijë janë në mesin e të vdekurve në përmbytjet. Numri i fëmijëve që vdiqën u rrit në gjashtë pasi u gjetën trupat e katër vëllezërve dhe motrave të vegjël, të rrëmbyer nga duart e prindërve të tyre nga përmbytjet, tha Beshear.
Gjithashtu të premten, presidenti Joe Biden lëshoi një deklaratë fatkeqësie të madhe në shtet dhe urdhëroi që ndihma federale të dërgohej në "zonat e prekura nga stuhitë e forta, përmbytjet, rrëshqitjet e dheut dhe rrëshqitjet e baltës", sipas një njoftimi për shtyp nga Shtëpia e Bardhë.
Qindra njerëz janë shpëtuar me varkë ose helikopter.
Ka një varfëri të gjerë në zonat e prekura, ku të paktën 33,000 njerëz tani nuk kanë energji elektrike. Përmbytja - pas shiut të rrëmbyeshëm - shkaktoi rrëshqitje dheu dhe i bëri rrugët të pakalueshme.
Përmbytjet historike vijnë pasi shteti rimëkëmbet nga tornadot më vdekjeprurës në historinë e tij , të cilat vranë më shumë se 70 persona në dhjetor 2021.
