Merr fund ferri 17 vjeçar, shpëtohen gruaja me dy fëmijët që u mbajtën të burgosur nga kryefamiljari që njihej si DJ

Nga OraNews Përditësimi i fundit 30 Korrik 2022, 17:09

Policia Ushtarake në Brazil shpëtoi të enjten (28 korrik) një grua dhe dy fëmijë, 19 dhe 22 vjeç, të cilët ishin mbajtur në burg privat për 17 vjet, në Rio de Zhaneiro.

Sipas kryeministrit, pas një informate anonime është arrestuar bashkëshorti i viktimës, Luiz Antonio Santos Silva. 

Dy fëmijët të moshës 19 dhe 22 vjeç, dukeshin jo më shumë se 10-11 vjeç për shkak të abuzimit kronik dhe urisë.

Sipas gruas, ajo sëbashku me fëmijët kanë pësuar dhunë fizike dhe psikologjike në mënyrë të përhershme dhe kanë kaluar deri në tre ditë pa ngrënë. 

Ajo gjithashtu u tha agjentëve se burri i saj kurrë nuk e lejoi atë të punonte dhe fëmijët e saj të ndiqnin shkollën.

Burri duhet të përgjigjet për rrëmbim ose burgim të rremë; keqtrajtimi dhe tortura. Sipas fqinjëve të familjes, burri njihej si DJ, pasi e kishte zakon të ngrinte muzikën me zë të lartë për të mbytur thirrjet për ndihmë të tre familjarëve të tij.

Pas largimit nga shtëpia, gruaja dhe dy fëmijët janë dërguar në njësinë shëndetësore. Drejtoria Komunale e Shëndetësisë njoftoi se gruaja dhe fëmijët vuanin nga dehidratimi dhe kequshqyerja e rëndë dhe po marrin kujdesin e nevojshëm, përveç monitorimit nga shërbimet e shëndetit social dhe mendor.