“Non grata” nga SHBA-të, Berisha: Nëse del një fakt i vetëm, do largohem nga politika
Nga OraNews Përditësimi i fundit 26 Korrik 2022, 22:28
Sali Berisha në një takim të hapur me intelektualë është shprehur se nëse i del dhe një fakt i vetëm nga akuzat që SHBA ka bërë për shpalljen “non grata”, do të largohet nga politika.
Sali Berisha: Me 20 maj të 2021, unë në një sallë në këtë hotel kam dalë, s’kisha menduar kurrë se do të sfidoja ndonjëherë sekretarin e SHBA, kurrë, por m.q.s ai kishte firmosur një akt në të cilën unë kisha bindjen absolute se nuk qëndronte asnjë fakt, dola dhe i thashë paraqit çdo fakt, përndryshe do të shkoj në gjykatë.
Do shkoj në gjykatë se nuk ke, nuk mund të gjesh dhe s’do të gjesh kurrë asnjë fakt për mua dhe as për fëmijët e mi. Unë kam qenë i këtij kodi dhe sot pas 15 muajsh më gjithë check up-in universal, se kam edhe unë miqtë e mi, kanë gjetur zero. Megjithatë unë vazhdoj të them, një fakt të vetëm po sollët unë i them mirupafshim politikës dhe çdo vendim tjetër. Por, të pranoj një të pavërtetë për të vërtetë, kurrë. E ka thënë Galileo dhe s’mund ta bëjë njeriu i qytetëruar kurrë.
Ashtu si Ilir Meta ditën e djeshme (25 Korrik) në Konventën Ndërkombëtare, Berisha bëri thirrje që qytetarët të përgatiten për një referendum. Sipas tij, është e rëndësishme që të gjithë të angazhohen e të punojnë të bëhen ndryshimet që duhen.
Sali Berisha: Të gjithë ne duhet të përgatitemi për një referendum. Se një parti fiton zgjedhjet, një kryeministër hipën në timon, kushtetuta mbetet siç është, ligjet mbeten siç janë, dhe vjen tjetri që bën këto që po bën. Ka një rëndësi të jashtëzakonshme themelore të angazhohemi dhe të punojmë që me demokracinë direkte ne të bëjmë ndryshimet që duhen
