Kuvendi maqedonas ka gati konkluzionet për propozimin francez, nuk ka nevojë për ndryshime në kornizën e negociatave

Nga OraNews Përditësimi i fundit 12 Korrik 2022, 20:45

Shërbimet parlamentare në Kuvendin e Maqedonisë së Veriut kanë përgatitur projekt-konkluzionet për informimin e qeverisë për propozimin francez. 

Sipas asaj që është duke u përgatitur nga shumica parlamentare, ky informacion duhet të kalojë lehtësisht në seancën plenare ende të paplanifikuar, duke i dhënë kështu detyrë qeverisë maqedonase se si të sillet, por jo të ndryshojë kornizën e negociatave. 

Afati i fundit për të përfunduar të gjithë procedurën është data 22 korrik, kur nisin pushimet verore të Komisionit Evropian (KE).

Kuvendi e ngarkon Qeverinë që në vazhdimësi t'i përmbahet përcaktimit për respektimin e pakushtëzuar të gjuhës, identitetit, veçorive historike dhe kulturore të popullit maqedonas si elemente të panegociueshme.

Siç raportojnë mediat maqedonase, seanca parlamentare është planifikuar të mbahet nesër ose pasnesër dhe tashmë janë siguruar votat e rreth 70 deputetëve (LSDM, BDI, Alternativa, PDSH dhe AA).

 Nuk dihet ende se si do të votojnë deputetët e DOM, DS dhe LDP, parti që janë pjesë e koalicionit qeveritar. Ka mundësi që debati në seancë plenare të zgjasë dy ose tre ditë.

Skenari parashikon që Bujar Osmani, ministri i Punëve të Jashtme të Maqedonisë, menjëherë pas pranimit të konkluzioneve të Kuvendit, të shkojë në Sofje (ose në Bruksel) për të nënshkruar protokollin me Bullgarinë.

Në vijim është njoftimi i Qeverisë drejtuar KE-së se korniza negociuese është pranuar dhe se konferenca formale ndërqeveritare do të mbahet deri më 22 korrik, mëson MKD.mk nga burime parlamentare.

Në draft-konkluzionet që i posedon MKD.mk, shkruhet se “Kuvendi i Republikës së Maqedonisë së Veriut e shqyrtoi dhe miratoi Informatat e Qeverisë së Republikës së Maqedonisë së Veriut për përmbajtjen e draft kornizës negociuese për negociatat për anëtarësim të Republika e Maqedonisë së Veriut me BE-në e propozuar nga Presidenca e Francës me Këshillin e BE-së më 30 qershor 2022.

Kuvendi i Republikës së Maqedonisë së Veriut pranon kornizën e negociatave për negociatat e anëtarësimit të Republikës së Maqedonisë së Veriut me BE-në e propozuar nga Presidenca franceze me Këshillin e BE-së më 30 qershor 2022.

Kuvendi i Republikës së Maqedonisë së Veriut obligon Qeverinë e Republikës së Maqedonisë së Veriut që në vazhdimësi t'i përmbahet përcaktimit për respektimin e pakushtëzuar të gjuhës, identitetit, veçorive historike dhe kulturore të popullit maqedonas si elementë të panegociueshëm, d.m.th. të procesit negociator për anëtarësim të plotë të Republikës së Maqedonisë së Veriut në BE. 

Qeveria e Republikës së Maqedonisë së Veriut të veprojë në përputhje të plotë me përcaktimin strategjik të vendit për integrim dhe anëtarësim të plotë në Bashkimin Evropian dhe të pranojë kornizën e ofruar negociuese me Bashkimin Evropian, me përjashtim të elementeve bilaterale historike dhe arsimore në kuadër dhe me respekt e mbrojtje të pakushtëzuar e të plotë të gjuhës, identitetit.

Qeveria e Republikës së Maqedonisë së Veriut duhet të ngarkojë ekipin negociator për zhvillimin e negociatave me BE-në, t'i zhvillojë negociatat në baza të barabarta dhe parimore, duke respektuar normat e së drejtës ndërkombëtare dhe me respekt të parezervë për dinjitetin dhe veçantinë e Maqedonisë.

Gjatë negociatave, në radhë të parë dhe plotësisht të veprohet në bazë të Rezolutës së miratuar në Kuvendin e Republikës së Maqedonisë së Veriut nga 29 korriku 2021, me përfaqësim të plotë dhe të vazhdueshëm dhe respektim të qëndrimeve të pranuara me konsensus për veçantinë e popullit maqedonas, gjuha maqedonase dhe ndarja kombëtare, kulturore, historike dhe shpirtërore maqedonase.

Qeveria e Republikës së Maqedonisë së Veriut duhet të obligojë ekipin negociator që të zbatojë procesin e negociatave për anëtarësim në Bashkimin Evropian, në vazhdimësi dhe sipas nevojës dhe kërkesës, të informojë rregullisht Kuvendin, si dhe të dorëzojë raport vjetor për progresin e procesi në Kuvendin e Republikës së Maqedonisë së Veriut.

Qeveria e Republikës së Maqedonisë së Veriut të detyrojë Ministrinë e Punëve të Jashtme që të informojë Presidencën aktuale çeke të Këshillit të BE-së për qëndrimin e Qeverisë dhe Parlamentit të Republikës së Maqedonisë së Veriut në lidhje me kornizën negociuese për negociatat e anëtarësimit të Republikës së Maqedonisë së Veriut me BE-në, të propozuar nga Presidenca franceze e Këshillit të BE-së më 30 qershor 2022 dhe të kryejë aktivitetet procedurale për hapjen e negociatave për anëtarësim në Bashkimin Evropian.

Disa udhëzime se si do të veprojë Qeveria e Maqedonisë pas dorëzimit të kësaj pakete dokumentesh, janë të përcaktuara në protokoll, dokumenti i vetëm i papublikuar deri më tani , për të cilin MPJ thotë se ajo që është publikuar është e vjetër dhe e paplotë.

Megjithatë, pranohet se përfundime të tilla janë diskutuar në protokoll.