Peqin/ U ndanë të rinj, matura e vitit 1972 ritakohen me thinja pas 50 vitesh
Nga OraNews Përditësimi i fundit 12 Korrik 2022, 12:37
Maturantët e vitit 1972, janë takuar bashkë pas 50 vitesh, pikërisht në qytetin e tyre të lindjes, aty ku edhe morën dijet e para, u rritën dhe u arsimuan.
Vitet larg njëri tjetrit, kanë mundur t’i ruajnë të pastër në kujtesë emrat, kujtimet, por pamja ka ndryshuar shumë tek maturantët e gjimnazit “ Zihni Magani” në Peqin.
Maturantët e vitit 1972 të gjimnazit Zihni Magani” tashmë me thinja dhe vite që mbajnë mbi supe, janë intelektualë, me profesione si, inxhinjerë, ekonomistë, farmacistë,juristë, mësues dhe një pjesë e tyre në vende drejtuese gjatë karrierës së tyre.
50 vite nuk janë pak, por mes tyre, ky takim i maturantëve të vitit 1972, i ktheu pas në kohë.
Disa dukeshin të qeshur, disa me emocione dhe lot në sy por takimi i tyre zgjati shumë, por ata nuk e ndjenë fare, për shkak të mallit dhe dëshirës së ritakimit.
