Argjentinë, shkencëtarët zbulojnë dinosaurin gjigant "Meraxes"
Nga Ora News Përditësimi i fundit 10 Korrik 2022, 10:40
Në një artikull të botuar të enjten, paleontologët thanë se kishin zbuluar një grabitqar të ri, me një kokë të madhe dhe krahë të vegjël, si ato të Tyrannosaurus rex.
Gjetjet u botuan në revistën Current Biology dhe tregojnë se gjymtyrët e vogla të përparme nuk ishin një aksident i evolucionit, por përkundrazi e ndihmuan krijesën të mbijetonte në epokën e saj.
Për Meraxes gigas u deshën katër vite gërmime të ekspeditave në terren në Patagoninë veriore, Argjentinë. Kafka u gjet e para në vitin 2012.
Çfarë zbuloi ekipi i paleontologëve?
Mbetjet e fosilizuara të dinosaurit u ruajtën mirë, me skelet afërsisht 11 metra të gjatë. Vetëm kafka ishte më shumë se 127 centimetra e gjatë.
Studiuesit besojnë se giga Meraxes peshonte rreth katër tonë. Krahët e tij, megjithatë, ishin vetëm rreth 60 cm të gjatë.
Studiuesit besojnë se dinosauri i sapo zbuluar është zhdukur 20 milionë vjet përpara ekzistencës së Tyrannosaurus rex.
Juan Canale, drejtuesi i projektit në Muzeun Paleontologjik Ernesto Bachmann në Neuquen, Argjentinë dhe një bashkëautor i botimit të së enjtes, tha se krahët e vegjël mund të kenë luajtur një rol në riprodhim.
"Ata mund t'i kenë përdorur krahët për sjellje riprodhuese, si mbajtja e femrës gjatë çiftëzimit ose mbështetja e tyre për t'u ngritur pas një pushimi ose një rënie," tha Canale.
Makovicky tha se specia e sapozbuluar ka jetuar në tokë midis 90 dhe 100 milionë vjet më parë, gjatë periudhës së Kretakut. Në atë kohë, rajoni i Patagonisë ishte i lagësht, më i pyllëzuar dhe më afër bregut.
