Autori i sulmit në pavarësinë e SHBA-së i fiksuar me numrin 47. Çfarë fshihet pas kësaj?
Nga Ora News Përditësimi i fundit 6 Korrik 2022, 08:27
21-vjeçari i dyshuar për hapjen e zjarrit në paradën e 4 korrikut në Highland Park duket se ka patur një fiksim pas numrit 47.
Policia beson se Robert "Bobby" Crimo III ishte veshur me një parukë dhe rroba grash përpara se të përdorte një pushkë me fuqi të lartë për të qëlluar më shumë se 70 fishekë në një turmë në periferi të Çikagos të hënën në mëngjes, duke vrarë gjashtë dhe duke plagosur dhjetëra.
Crimo kishte postuar në rrjetet e tij sociale numrin 47. Ai gjithashtu kishte tatuazhuar numrin në anën e fytyrës së tij dhe e kishte pikturuar gjithashtu dhe në derën e një makine të parkuar jashtë shtëpisë së tij familjare.
Përdoruesit e mediave sociale vunë në dukje një fotografi të Crimos i veshur me një kostum të errët me një kravatë të kuqe, i cili dukej se i ngjante shumë personazhit Agent 47 nga video-loja popullore me armë në personin e parë Hitman.
Data e të shtënave më 4/7 u vu në dukje gjithashtu si një tjetër referencë potencialisht domethënëse mes komentuesve.
Crimo gjithashtu kishte marrë pjesë në një tubim në mbështetje të Donald Trump, i cili mburrej se do të bëhej presidenti i "45-të dhe i 47-të".
Tekstet e Crimos dhe postimet në mediat sociale përmbajnë gjithashtu referenca për të shtënat masive dhe dukej se magjepsin dhunën masive.
NBC raportoi se postimi i tij i fundit në YouTube para vrasjes ishte pasojë e të shtënave në shkollë.
Në një intervistë në The Today Shoë të martën, kryebashkiakja e Highland Park, Nancy Rotering tha se postimet e shumta shqetësuese të Crimos në internet nuk ishin diçka ku duhej të fokusoheshin.
"Ne e dimë se disa postime pasqyruan me të vërtetë një plan dhe një dëshirë për të kryer masakër për një kohë të gjatë përpara. Por unë jam në mëdyshje, sinqerisht...të flas për këtë. Nuk dua që njerëzit e tjerë të mendojnë se kjo është diçka që duhet lavdëruar. Kjo është diçka që duhet pakësuar,” tha ajo.
Ndërkohë bëhet me dije se arma e përdorur në të shtënat ishte blerë ligjërisht.
21 vjecari Crimo kreu një sulm në ditën e pavarësisë të SHBA duke vrarë 6 persona e duke plagosur disa të tjerë.
