Rusia detyron me ligj kompanitë që të furnizojnë ushtrinë dhe punëtorët ti mbajnë në punë jashtë orarit
Nga OraNews Përditësimi i fundit 5 Korrik 2022, 20:39
Ligjvënësit rusë kanë dhënë vulën e tyre të parë të miratimit për dy projektligje që do t'i jepnin qeverisë fuqinë për të detyruar kompanitë të furnizojnë ushtrinë me mallra dhe punonjësit e tyre të punojnë jashtë orarit për të ndihmuar pushtimin rus të Ukrainës.
Nismat vijnë më shumë se katër muaj pas asaj që Rusia e quan një "operacion special ushtarak" që nxiti vendet perëndimore të vendosin një valë sanksionesh ndaj Moskës.
Forcat e Republikave Popullore të vetëshpallur të Donetskut dhe Luhanskut të mbështetur nga Rusia po lëvizin drejt rajonit të Donjeckut pasi forcat ruse morën kontrollin e plotë të rajonit të Luhanskut javën e kaluar, tha udhëheqësi i Republikës së vetëshpallur Popullore të Donetskut, Denis Pushilin, raprton agjencia e lajmeve TASS.
Kontrolli mbi provincat Donetsk dhe Luhansk, të cilat së bashku përbëjnë rajonin e Donbass, është një qëllim qendror i Rusisë në "operacionin e saj special ushtarak" në Ukrainë.
Edhe pse Rusia pushtoi bastionet e fundit të Ukrainës në rajonin e Luganskut javën e kaluar, Ukraina ende kontrollon rreth 45 për qind të rajonit fqinj Donetsk.
