E pabesueshme/ Ishte gati në fund të jetës, por shpreh dëshirën për tu martuar në spital. 47 vjeçarit i ndodh mrekullia
Nga Ora News Përditësimi i fundit 5 Korrik 2022, 13:43
Një 47 vjecar ishte thuajse në fund të jetës së tij, pasi prej kohësh ai vuante nga ataku në zemër dhe kishte nevojë urgjente për transplant të saj. Dëshira e fundit e tij ishte të kryente ceremoninë martesore në spital, por papritur magjia ndodhi.
Pikërisht gjatë ceremonisë, teksa ai ishte duke u intubuar, një zemër e përputhshme mbërriti për transplantin. Dhe kështu disa orë më vonë, burri iu nënshtrua me sukses operacionit po atë natë.
Ai ishte shtruar në qershor në një spital në provincën e Cuneos për një infarkt masiv të barkushes së majtë. Duke iu nënshtruar trajtimeve të para, ai u transferua me urgjencë në Molinette të në repartin e kujdesit intensiv pas kirurgjisë kardiake.
Por gjendja e tij u përkeqësua dhe implantimi i një sistemi të asistencës mekanike të qarkullimit të gjakut (ECMO) ishte i nevojshëm.
Ajo funksionoi, por problemet që lidhen me terapinë e hollimit të gjakut u shfaqën gradualisht, duke shtruar kërkesën urgjente për një zemër të re. Kështu pacienti u vendos në listën për transplantim në urgjencë kombëtare përmes Qendrës Rajonale të Transplantit të Piemonte.
Pacienti, baba prej disa muajsh, i frikësuar nga më e keqja, kërkoi të të martohej me partneren e tij 42-vjeçare.
Martesa e cilësuar si “në fund të jetës”, u kurrëzua nga nëpunësja e gjendjes civile të Bashkisë së Torinos. Mirëpo në këtë kurorëzim në vend të luleve, ishin fotografitë e vajzës së vogël dy muajshe dhe tubat e kuq të grumbullimit të gjakut.
Pak orë më vonë Qendra Kombëtare e Transplantit deklaroi se kishte mëbrritur një zemër që përputhej me të. Pas operacionit shtatë-orësh, kursi ishte i rregullt dhe pacienti ishte në gjednje të mirë shëndetësore.
