Borrell: Pushtimi rus, sulm mbi themelet e OKB-së dhe Këshillit të Sigurimit

Nga OraNews Përditësimi i fundit 17 Qershor 2022, 14:02

Nën drejtimin e ministres së Jashtme të Shqipërisë Olta Xhaçka, Në këshillin e sigurimit të OKB-së u mbajt takimi “Bashkëpunimi ndërmjet OKB dhe organizatave rajonale dhe nënrajonale”.

KETU LAJMET MINUTE PAS MINUTE

Gjatë fjalës së tij përfaqësuesi i Lartë i BE-së, Josep Borrel e ka cilësuar pushtimin rus në Ukrainë një sulm mbi themelet e OKB-së dhe këshillit të Sigurimit.

Borrel u kërkoi të gjithë anëtarëve të ndihmojnë në përfundimin e luftës, të rivendosin sovranitetein e Ukrainës dhe të sigurojnë që pasojat globale të frenohen, veçanërisht krizën në rritjen e ushqimit.

“Të jesh neutral në këtë rast do të thotë të jesh në anën e agresorit. Askush nuk mund të jetojë i sigurt në një botë ku përdorimi i paligjshëm i forçës Unë ju bëj thirrje të gjithëve që të ndihmoni në përfundimin e luftës, për të rivendosur sovranitetin e Ukrainës dhe për të siguruar që pasojat globale të frenohen, veçanërisht kriza në rritje e ushqimit. Tani për tani, Rusia po bllokon të paktën 20 milionë tonë drithë ukrainas që nuk mund të arrijnë në tregjet globale sepse janë duke u bllokuar,” tha ai.

Borrell ndau gjithashtu të dhëna nga Programi Botëror i Ushqimit, i çili vlerëson se numri i njerëzve të pasigurt ushqimor është dyfishuar nga 135 milionë para pandemisë në 276 milionë në fillim të vitit 2022. Përfaqësuesi i Lartë i BE-së kujtoi gjithashtu se Rusia po bllokon të paktën 20 milionë tonë drithë ukrainas që nuk mund të arrijnë në tregjet globale.

“Kjo është ekuivalenti i 300 anijeve masive që duhet të ankorohen në portet në të gjithë botën. Në vend të kësaj, Rusia po bombardon portet, infrastrukturën dhe tokën bujqësore të Ukrainës. Vetëm pasi Presidenti Putin foli me Kryetarin e Bashkimit Afrikan, forçat ruse bombarduan vendin e dytë më të madh të grurit të Ukrainës në Mykolaiv. Këto veprime flasin vetë," deklaroi ai.

Ai shtoi se mënyra më e lehtë për të rifilluar dërgesat e grurit është që Rusia të ndalojë agresionin e saj, të tërheqë trupat nga Ukraina dhe në fund, të punojë me OKB-në dhe vendet e tjera për të rihapur Detin e Zi.