Përplaset treni në Bavari: Katër të vdekur dhe 30 të plagosur
Nga OraNews Përditësimi i fundit 3 Qershor 2022, 18:58
Të paktën katër persona u vranë dhe rreth 30 u plagosën kur një tren doli nga shinat në shtetin juglindor të Bavarisë të Gjermanisë, thotë policia.
Treni, i cili transportonte shumë studentë, po shkonte për në Mynih kur tre vagonë dolën nga shinat pranë Garmisch-Partenkirchen.
Nuk është e qartë se çfarë e shkaktoi aksidentin, tha një zëdhënës i policisë. Imazhet e publikuara nga mediat lokale tregojnë disa vagona treni të shtrirë në anë.
Një zyrtar nga autoriteti lokal Garmisch-Partenkirchen fillimisht kishte sugjeruar se rreth 60 persona ishin plagosur, por Stefan Sonntag, një zëdhënës i policisë federale gjermane, tha se kjo shifër i referohej numrit të pasagjerëve në tren.
Në Gjermani, Sonntag u tha gazetarëve se 15 nga të plagosurit ishin në gjendje të rëndë në një spital lokal. Zyrtarët thanë se njerëzit ishin "tërhequr nga dritaret" për t'i shpëtuar ata nga përplasja.
Më herët, policia tha se nuk mund të përjashtohej që një numër studentësh që festojnë fillimin e pushimeve verore janë në mesin e të plagosurve, por zoti Sonntag tha se ishte shumë herët për të ofruar ndonjë koment mbi raporte të tilla.
Gjashtë helikopterë, përfshirë tre nga rajoni austriak i Tirolit, u dërguan në vendngjarje për të ndihmuar në përpjekjet e shpëtimit.
Aksidenti ndodhi rreth orës 13:15 me orën lokale (11:15 GMT) të premten, pak pasi treni u nis nga Garmisch-Partenkirchen për në Mynih.
