Vajza mbani vesh këshillën ideale për flokë perfektë në plazh
Nga OraNews Përditësimi i fundit 18 Maj 2022, 10:26
Vajza mbani vesh. Çanta që do ju shoqërojë në ditët buzë detit apo në pishina duhet të ketë me patjetër balsam apo maskë flokësh.
Olti Shulla parukier i njohur i ftuar në emisionin “Ditë e Re” në RTV Ora zbulon sekretin për tu kujdesur për flokët tuaja, sidomos për vajzat që kanë flokë të lyer, me fije apo dekolorim.
Në kohën që nis sezoni i pishinave dhe i plazhit çdo gocë që i ka flokët e lyera, bjonde, me fije, ka bërë më përpara dekolorim dhe sot i ka të errëta duhet të përdorë pa tjetër maskë ose balsam në plazh, na tregon Olti.
Vajzat teksa ulen në shezlong duhet të lyejnë majat e flokëve me balsam ose maskë. Një veprim të tillë duhet ta përsërisin me patjetër edhe pasi të dalin nga uji i detit apo i pishinës.
Kapelet
Shprehja “gjella me kripë e kripa me karar” është e përshtatshme. Kapelen mund ta mbani por jo gjithë ditën pasi floku nuk ajroset dhe bie më shpejt.
