Qytetarët e Gjirokastrës kursejnë edhe daljet në shesh, vetëm 5 të rinj në protestë
Nga Entiola Budo Përditësimi i fundit 13 Mars 2022, 12:16
Të njohur si kursimtarë, qytetarët e Gjirokastrës duket se rritjen e çmimeve kanë zgjedhur ta menaxhojnë vetë me një mirëadministrim më të mirë dhe jo duke protestuar.
Edhe pse çmimet kanë prekur gjithë produktet e konsumit dhe çdo ditë qytetarët e Gjirokastrës ankohen për pamundësinë për të jetuar dhe kërkojnë rritje pagash e pensionesh, askush përveç 5 të rinjve nuk ka protestuar në ditën e pestë të protestave në gjithë Shqipërinë.
Qytetarët e Gjirokastrës kanë vendosur të kursejnë edhe daljet në shesh.
Ndërkohë në Tiranë protesta masive nisu rreth orës 11:00 në sheshin "Skënderbej" dhe u zhvendos para kryeministrisë.
Edhe Devolli dhe Korça kanë protestuar ditën e sotme.
