PS merr Lushnjen, konfirmohet Eriselda Sefa, Balla: Prisnim më shumë pjesëmarrje. Shtëpia e lirisë e dyta
Nga OraNews Përditësimi i fundit 7 Mars 2022, 10:08
Eriselda Sefa, kryetarja në detyrë e bashkisë së Lushnjes do vijojë ta drejtojë bashkinë deri në zgjedhjet e ardhshme.
Sefa ka arritur të fitojë 21216 vota, ose 58.80 %, ndërkohë i dyti u rendit Elton Bano i "Shtëpisë së Lirisë" me 11113 vota, 30.80 % dhe në vend të tretë kandidati i PD-së, Indrit Sefa me 3752 vota, 10.40 %
Deputeti Erjon Braçe dhe Taulant Balla kanë ndjekur të gjithë procesin e numërimit.
“Shumë respekt, mirënjohje dhe punë për ti kthyer banorëve të Lushnjes respektin. Na presin plot kantiere të mëdha pune. Punët do të nisin menjëherë' tha drejtuesi politik i qarkut Taulant Balla.
Balla pranon se pjesëmarrja ka qenë e ulët “ne prisnim më shumë”
“Na duhet më shumë punë për ta thelluar fitoren vitin e ardhshëm” tha Balla.
Nga ana e saj fituesja e zgjedhjeve falenderoi votuesit.
Sefa: Dua të shpreh falenderimet dhe mirënjohjen për gjithë qytetarët e Lushnjes që më votë besuan. Alternativat që unë shpreha gjatë fushatës zgjedhore, idetë dhe projektet do të vihen në zbatim gjatë këtij viti. Edhe ata qytetarë që mbështetën alternativën tjetër unë i them që do të gjejnë një institucion të hapur pranë bashkisë Lushnje. Komunikimi dhe bashkëpunimi me gjithë qytetarët do të gjejë një derë të hapur.
Rezultatet:
Eriselda Sefa e PS 21216 vota, 58.80 %
Indrit Sefa i PD 3752 vota, 10.40 %
Elton Bano i Shtëpisë së Lirisë 11113 vota, 30.80 %
