VIDEO/ Shtëpia më e shtrenjtë në botë, pronarja nuk gjen blerës, përgjysmon çmimin e vilës përrallore
Nga OraNews Përditësimi i fundit 20 Janar 2022, 14:25
Nuk është gjetur asnjë blerës për shtëpinë më të shtrenjtë në botë, "Villa Aurora".
Xhevahiri i Romës, me një sipërfaqe prej rreth 2800 m2 , do të dalë sërish në ankand në prill me një çmim fillestar dukshëm më të ulët se ai i pari.
Pronarja e shtëpisë besonte se do t’i “kapte” 471 milionë eurot në ankandin e 18 janarit.
Megjithatë, duke qenë se nuk gjeti blerës, ajo pothuajse përgjysmoi çmimin, duke e çuar në 282 milionë euro për ankandin e dytë që do të zhvillohet më 7 prill.
“Villa Aurora në Romë me tavanin unik të piktorit legjendar Caravaggio do të dalë sërish në ankand më 7 prill me pronaren të zhgënjyer, pasi nuk u gjet blerës për shtëpinë”, shkruan CNN.
Trashëgimtarja e vilës, e njohur si Princesha Rita Boncompagni Ludovisi , gruaja e tretë dhe e fundit e princit të ndjerë, Niçol Boncompagni Ludovisi, do tentojë për të dytën herë të shesë vilën në muajin prill.
