Llava pushton ishullin Galapagos, rrezikohen shtëpitë hardhucave
Nga OraNews Përditësimi i fundit 12 Janar 2022, 14:07
Lumenj me llavë kanë pushtuar ishullin Galapagos, që prej javës së kaluar, kur vullkani shpërtheu në vend.
Një re gazi dhe hiri nga "Vullkani i Ujkut" u ngrit 3,793 metra mbi nivelin e detit pas shpërthimit.
Në vendin e vullkanit që shpërtheu jeton midis specieve të tjera, iguana rozë prej të cilave vetëm 211 kanë mbetur në ishullin Isabela
Megjithatë, kujdestarët e parkut dhe shkencëtarët që punojnë me iguanat kanë konfirmuar se krijesat janë jashtë rrezikut.
“Vullkani i Ujkut” në ishullin Isabela në arkipelagun ekuadorian Galapagos ka shpërthyer për herë të dytë në shtatë vjet.
Shpërthimi i vullkanit në ishullin më të madh të Galapagos filloi në mesnatën e 6 janrit, tha qendra e parkut kombëtar.
Vullkani është më i larti në Galapagos, por është të paktën 100 milje nga komuniteti më i afërt njerëzor.
Ishujt Galapagos ndodhen rreth 1000 milje larg brigjeve të Ekuadorit në Paqësor, dhe ruajnë shumë lloje unike të florës dhe faunës.
