Dy të vdekur nga shembja e çatisë së shkollës
Nga OraNews Përditësimi i fundit 5 Janar 2022, 22:55
Dy persona u vranë dhe dy të tjerë u plagosën kur një çati shkolle u shemb në qytetin verilindor spanjoll të Gijonit të mërkurën në mëngjes, thanë shërbimet lokale të urgjencës.
Aksidenti ka ndodhur gjatë punimeve të riparimit në çatinë e shkollës San Vicente Paul, që ndodhet pranë qendrës së qytetit.
Dëshmitarët okularë thanë se një pjesë e çatisë u shemb, duke shtypur punëtorët. Ndërtesa trekatëshe daton nga shekulli i 19-të.
Zjarrfikësit kanë nxjerrë nga rrënojat trupat e dy punëtorëve. Dy persona të tjerë u plagosën lehtë dhe njëri u desh të dërgohej në spital.
Vlen të theksohet se në shkollë nuk kishte fëmijë, pasi kthimi i nxënësve në banka është parashikuar në datën 10 janar.
