"Oliver të përshëndesim nga Tirana", Vuçiç kërkon 'ndjesë'. Rama: E mbështet BE Ballkanin e Hapur apo jo?
Nga OraNews Përditësimi i fundit 21 Dhjetor 2021, 10:18
Ndërsa Aleksandër Vuçiç po përfundonte fjalën e tij në ekran online u shfaq komisioneri europian për Zgjerimin Oliver Varhelyi.
Vuçiç kërkoi ndjesë për zgjatjen e fjalim ndërsa e përshëndeti live komisionerin.
Vuçiç: Më falni nëse mora shumë kohë, e shoh që komisioneri është tashmë online dhe ndoshta dëshiron që të thotë diçka, Oliver të përshëndesim nga Tirana.
Pas tij ndërhyri dhe Rama, i cili i kërkoi ndjesë që nuk e prezantoi.
Rama: Oliver të kërkoj ndjesë që nuk të prezantova por kur po flisja ekrani i BE ishte ngrirë, tani jeni shkrirë. Kështu që jam shumë mirënjohës që po merrni pjesë në këtë takim dhe menjëherë pasi Zorani të bëjë komentet e tij do të lutesha që të ndërhyni.
Shefi i qeverisë shqiptare pati një kërkesë të qartë për të.
Rama: Ju nuk ndiqeni vetëm nga ne por nga shumë njerëz përmes ekraneve të televizioneve. Ata duan të dinë a e mbështet BE Ballkanin e Hapur dhe nëse do ta thonit ky do të ishte lajmi i ditës.
