Tajfuni vdekjeprurës, shkon në 208 numri i viktimave

Nga OraNews Përditësimi i fundit 20 Dhjetor 2021, 10:21

Numri i të vdekurve nga tafjuni Rai në Filipine ka shkuar në 208 , thotë policia.

Fenomeni ekstrem atmosferik,  u bë kështu një nga më vdekjeprurësit që goditi shtetin e Azisë Juglindore në vitet e fundit.

Të paktën 239 persona të tjerë u plagosën dhe 52 janë të zhdukur pas kalimit katastrofik të tajfunit Rai në pjesën jugore dhe qendrore të arkipelagut, shtoi policia.

Më shumë se 300,000 njerëz u larguan nga shtëpitë e tyre të enjten.