Foto/ Teksa lira turke zhvlerësohet, fansat hapin 200 shishe shampanjë për "nënën sulltaneshë"
Nga OraNews Përditësimi i fundit 29 Nëntor 2021, 10:28
Ndonëse rënia e lirës turke ka shkaktuar kolaps në ekonominë turke, mediet pro-qeveritare në Turqi merren me daljen e fundit të këngëtares dhe aktores së njohur, Hylia Absar, e cila ka luajtur rolin e nënës sulltaneshë në serialin "Kosem".
Pas një mungese prej 3 vitesh, këngëtarja është shfaqur në skenën e një kazinoje të njohur. E veshur me fustan të zi, me dekolte të theksuar, pamja e saj i ra në sy të medieve vendase, sipas gazetës Hurriyet.
"Gjithsej u hapën 200 shishe shampanjë për këngëtaren, e cila gjatë gjithë natës falënderonte fansat e saj nga skena për dashurinë e madhe ndaj figurës së saj", shkruan Hurriyet.
“Nuk jam mësuar të më përshëndesin në këtë mënyrë. Për herë të parë pranoj kaq shumë shishe shampanjë në skenë”, tha ajo
Ajo interpretoi hite të njohura dhe këngë të tjera klasike të repertorit turk. Fustani i nxehtë i këngëtares së njohur, mban firmën e stilistit të famshëm Melich Yazgan .
