Tragjedia në Deçan/ “E nxora nga dritarja e autobusit, më vdiq rrugës në prehër”, flet personi që dërgoi njërin nga nxënësit në spital
Nga OraNews Përditësimi i fundit 27 Nëntor 2021, 21:40
Kosova u trondit dhe nga sulmi tragjik i autobusit, ku humbën jetën 2 nxënës, shoferi i autobusit, ndërsa 1 person u plagos.
Zeqë Malaj nga Gllogjani është dëshmitari që dërgoi njërin nga nxënësit në spital
Ai ishte duke ecur me miqtë e tij, kur kishte dëgjuar disa zhurma.
Pak momente më vonë ai do të bëhej dëshmitar i sulmit tragjik në Gllogjan të Deçanit, ku u sulmua autobusi dhe mbetën të vrarë tre persona, shoferi dhe dy nxënës.
Një prej tyre, siç tregon Malaj për Albanian Post, vdiq në prehrin e tij, pasi ishte ai që e kishte nxjerrë nga autobusi dhe më pas po e dërgonte me urgjencë në spital, shkruan gazeta express.
“Kam qenë me dy policë, L. e kam pasur në prehër deri në Spital në Deçan. Gjatë rrugës ka pasur puls, deri diku në mesin e rrugës, dikur nuk ka pasur shenja për jetë. Kur kemi ardhur në fshatin Preljep, diku në mesin e fshatit e kam parë se gjendjen nuk e ka mirë, nuk ka puls”, tha ai.
