Katër viktima pas shpërthimit të minës në një fabrikë municioni
Nga OraNews Përditësimi i fundit 18 Nëntor 2021, 18:33
Katër persona kanë humbur jetën sot, 18 nëntor nga shpërthimi i një mine në një fabrikë municionesh rumune dhe katër të tjerë kanë mbetur të plagosur.
Lajmi u bë i ditur nga mediet rumune duke cituar mbrojtjen civile.
Mina shpërtheu në mënyrë të pakontrolluar kur disa punëtorë ishin në procesin e çarmatosjes së saj, sipas burimeve.
Fabrika në Babeni në Rumaninë jugore prodhon lloje të ndryshme municionesh për Ministrinë Rumune të Mbrojtjes.
Viktimat janë 3 burra dhe një grua.
Agjencia e shtypit tha se prokurorët kanë hapur një çështje penale dhe një ekip specialistësh janë dërguar në vendin e shpërthimit për të hetuar.
Në vitin 2019, një shpërthim aksidental në të njëjtën fabrikë Babeni vrau një 22-vjeçar.
