A e "vodhi" Facebook emrin Meta? Kush po i kërkon 20 milionë dollarë Zuckerbergut?
Nga OraNews Përditësimi i fundit 2 Nëntor 2021, 08:10
Javën e kaluar, Mark Zuckerberg njoftoi se kompania Facebook do të quhet Meta, teksa synon të zgjerohet nga platformat sociale në realitetet virtuale.
Ndryshimi i emrit nuk do të zbatohet për aplikacionet si Facebook, Instagram dhe Whatsapp, por te kompania mëmë.
Megjithatë, duket se kalimi në Meta nuk është i lehtë pasi një kompani tjetër, vetëm pak javë më parë kishte dërguar një aplikim për regjistrimin e "Meta" në markën e saj, gjë që mund të sjellë pengesa Zuckerberg, gjë që pritet të kushtojë disa miliona dollarë.
“I am proud to announce that, starting today, our company is now Meta.”
— The Recount (@therecount) October 28, 2021
— CEO Mark Zuckerberg announces Facebook’s new name. pic.twitter.com/6YYaEKcufj
Në veçanti, siç raportoi "TMZ" në gusht, themeluesit e një kompanie të quajtur Meta PC aplikuan për një markë tregtare "Meta" për kompjuterë, laptopë, tabletë, softuer dhe artikuj të tjerë të lidhur me teknologjinë.
Sipas themeluesve të kompanisë, Joe Darger dhe Zack Shutt, ata kanë drejtuar Meta PC për më shumë se një vit, dhe së fundmi kanë dorëzuar dokumente për markën zyrtare të markës së tyre.
Kërkesa e tyre nuk është miratuar ende, megjithatë sipas "TMZ" ata kanë aplikuar përpara Metës së Zuckerberg dhe kështu ata deklarojnë se do ta zgjidhnin “mosmarrëveshjen” e tyre vetëm nëse themeluesi i Facebook u jep 20 milionë dollarë.
Vihet re se Meta PC i është qasur çështjes me humor, madje ka arritur deri në publikimin e një videoje që supozohet se rilancon kompaninë dhe është riemëruar në Facebook./Ora News/
Sekuestrohen 616 kg kokainë në port me vlerë 8.5 milionë dollarë
2 Nëntor, 07:52
