Kompania Apple heq aplikacionin e Kuranit në Kinë dhe arsyeja është...
Nga OraNews Përditësimi i fundit 16 Tetor 2021, 10:31
Kompania Apple ka hequr një nga aplikacionet më të njohura të Kuranit në botë, në Kinë, pas një kërkese nga zyrtarët.
Aplikacioni "Kurani Majeed" është i disponueshëm në të gjithë botën në App Store dhe përdoret nga miliona myslimanë.
BBC raporton se aplikacioni u hoq, pasi përmbante kontent ilegal fetar. Gjithashtu BBC njofton se qeveria kineze nuk i është përgjigjur përkesës së gjigantit mediatik për koment.
Fshirja e aplikacionit u vu re për herë të parë nga 'Apple Censorship' një faqe onile që monitoron aplikacionet në App Store të Apple në nivel global.
Në një deklaratë nga krijuesi i aplikacionit, PDMS, kompania tha: "Sipas Apple, aplikacioni ynë Quran Majeed është hequr nga dyqani i aplikacioneve në Kinë, sepse përfshin përmbajtje që kërkon dokumentacion shtesë nga autoritetet kineze. Ne po përpiqemi të kontaktojmë me Administratën e Hapësirës Kibernetike të Kinës dhe autoritetet përkatëse kineze për të zgjidhur këtë çështje".
Kompania tha se kishte afër një milion përdorues në Kinë. Partia Komuniste Kineze e njeh zyrtarisht Islamin si fe në vend.
Megjithatë, Kina është akuzuar për shkelje të të drejtave të njeriut, madje edhe gjenocid, kundër grupit etnik Ujgur kryesisht mysliman në Xinjiang./Ora News/
