Kina ndryshon ligjin për fëmijët: Do luani online vetëm 1 orë në ditë, të premteve dhe fundjavave

Nga OraNews Përditësimi i fundit 31 Gusht 2021, 08:35

Përdoruesit nën moshën 18 vjeç që luajnë lojëra online, do të lejohet të luajnë vetëm  një orë të premteve, fundjavave dhe festave, ka thënë rregullatori kinez i  video lojërave.

Administrata Kombëtare e Shtypit dhe Publikimit i tha agjencisë shtetërore të lajmeve Xinhua se fëmijët nën 18 vjeç do të lejohet të luajnë  vetëm midis orës  20:00 deri në 21:00, të premteve, fundjavave dhe festave.

Në fillim të këtij muaji një media shtetërore i quajti lojërat online "opium shpirtëror".

Inspektimet e kompanive të lojërave në internet gjithashtu do të shtohen, për të kontrolluar nëse afatet kohore po zbatohen, tha rregullatori.

Rregullat e mëparshme kishin kufizuar lojërat e fëmijëve në internet në 90 minuta në ditë, dhe tre orë gjatë pushimeve. Masa pasqyron një shqetësim të gjatë për ndikimin e lojërave tek të rinjtë.

Një muaj para kufizimeve të fundit, një artikull i botuar nga Economy Daily Daily Daily pretendonte se shumë adoleshentë ishin bërë të varur nga lojërat online, gjë që ndikonte negativisht te ata.