Publikohen pamjet e atentatit ndaj shqiptarit në Greqi, policia: E qëlluan në makinë dhe e “hodhën” në rrugë
Nga OraNews Përditësimi i fundit 11 Tetor 2021, 18:01
Një 34-vjeçar shqiptar ishte objektiv i një atentati mëngjesin e djeshëm (10 tetor) në Athinë, Greqi.
Mediet greke kanë publikuar pamje nga momenti kur autoritetet në vend kanë gjetur të plagosur 34-vjeçarin pas atentatit. Siç duket edhe nga pamjet, 34-vjeçari shqiptar u gjet i shtrirë në një trotuar anës rrugës. Sipas policisë viktima ka qenë në të njëjtën makinë me autorët.
Skenari më i mundshëm është që ata e qëlluan ndërsa makina po lëvizte dhe më pas para e hodhën para urës Kalyftaki.
Në video, oficerët e policisë përpiqen që t’i ndalojnë gjakderdhjen nga këmba e majtë ku kishte një plagë serioze plumbi.
Ata e lidhin fort me një fashë të bardhë dhe presin që ambulanca të mbërrijë. 34-vjeçari kishte marrë plagë në këmbë dhe në bark.
Mediet greke shkruajnë se shqiptari ka një të shkuar me rekorde kriminale në Greqi. Dyshohet se shkak i plagosjes të jenë bërë konfliktet për pazare droge dhe larje hesapesh mes bandave.
Ai u dërgua në spital dhe mësohet se është në gjendje të rëndë./OraNews/
