Reciprociteti i targave, Von Cramon: Serbia dhe Kosova duhet të gjejnë urgjentisht zgjidhje paqësore

Nga OraNews Përditësimi i fundit 28 Shtator 2021, 13:10

Ndërkombëtarët po shtojnë presionin ndaj Prishtinës dhe Beogradit për uljen e tensioneve në veri të Kosovës.

Deputetët e Parlamentit Europian apeluan të martën dy fqinjët të tërheqin njësitë speciale të policisë, ushtritë dhe të ulin barrikadat që pengojnë kalimin në kufijtë e Jarinjës dhe Bërnjakut.

Raportuesja e Parlamentit Evropian për Kosovën, Viola von Cramon, nëpërmjet një postimi në Twitter ka deklaruar se Kosova dhe Serbia duhet të gjejnë një zgjidhje paqësore të situatës.

 "Serbia dhe Kosova duhet të gjejnë urgjentisht një zgjidhje paqësore dhe të qëndrueshme në mënyrë që të garantohet siguria e të gjithë qytetarëve”, shkruan  Viola von Cramon, pas një deklarate nga Komiteti  i Punëve të Jashtme të Parlamentit Evropian.

Në një deklaratë të Komitetit thuhet se “eurodeputetët shprehin shqetësim të thellë për sigurinë e të gjithë qytetarëve, për shkak të tensioneve në veri të Kosovës”.