Foto/ Natë agonie në Kretë me 40 lëkundje metasizmike, banorët kalojnë natën në çadra dhe makina
Nga OraNews Përditësimi i fundit 28 Shtator 2021, 07:30
Kreta u trondit mëngjesin e së hënës nga një tërmet me magnitudë 5.8 rihter duke lënë një të vdekur dhe 11 të plagosur.
Si pasojë shumë banorë në fshatin Arkalochori të Kretës e kaluan natën në çadra dhe makina, larg shtëpive të tyre, pasi tërmetet vazhduan gjatë natës me sizmografët që regjistruan më shumë se 40 lëkundje metasizmike, mbi 3 Rihter.
Ndërkohë, herët në mëngjesin e së martës, ndodhi një tërmet i ri i fortë prej 5.4 Rihter.
Shkollat do të qëndrojnë të mbyllura si dhe kopshtet në prefekturën e Heraklion. Autoritetet njoftuan për mediet greke se , "ne u kërkuam qytetarëve të mos qëndrojnë në shtëpitë e tyre edhe nëse do të kishin disa çarje sepse kishim shumë lëkundje gjatë natës.Ne pamë dje se me dy tërmetet e mëdha që pasuan pas tërmetit prej 5.8 të shkallës Rihter, disa ndërtesa të vjetra ranë .”
Gjatë natës, dy tërmete të fuqishme me magnitudë 4.4 Rihter ndodhën në orën 23.10 dhe 00.37 pas mesnate, duke shkaktuar panik dhe ankth te qytetarët.
