Ushtri e përbashkët europiane, Von der Leyen: Koha për një nivel tjetër mbrojtjeje dhe sigurie europiane

Nga OraNews Përditësimi i fundit 15 Shtator 2021, 22:05

Europianët po përballen me sfida të ndryshme në arenën ndërkombëtare. Për t’i bërë ballë sfidave të ndryshme ushtarake, kibernetike dhe të sigurisë, zyrtarët e lartë të BE-së po mendojnë për themelimin e një ushtrie të përbashkët europiane.

Kërkesa për një ushtri të përbashkët europiane është bërë temë e niveleve më të larta politike në BE.

Ka qenë vetë kryetarja e Komisionit Europian Ursula von der Leyen që e ka parashtruar një problemet e sigurisë globale, teksa thotë se duhet kaluar në një nivel tjetër dhe të rrisë mbrojtjen e përbashkët.

Largimi i amerikanëve nga Afganistani, që sipas disa aleatëve perëndimorë u bë pa konsultime me ta, ka sjellë edhe një pështjellim të situatës vetë brenda Perëndimit.

Ndërsa marrja e pushtetit nga talebanët mund të paraqesë probleme të sigurisë për BE-në, shefja e komisionit parashtroi se BE-së i duhej "vullneti politik" për të ndërhyrë ushtarakisht pa SHBA -në pas rënies së Afganistanit në duart e talebanëve.

Europianët kanë folur edhe më herët për një ushtri të përbashkët, teksa.

Franca do të presë një samit të mbrojtjes së BE-së vitin e ardhshëm, tha zyrtarja e lartë.

BE -ja është mbështetur historikisht në aleancën e NATO -s për veprime ushtarake, teksa shumica e vendeve janë anëtarë të aleancës veriatlantike.

"Tani është koha që Europa të rritet dhe të kalojë në një nivelin tjetër," tha von der Leyen në fjalimin e saj vjetor mbi gjendjen e Bashkimit Europian.

Situata është ndërlikuar edhe më shumë pas largimit të Britanisë së madhe, një shtet nuklear, nga Bashkimi Europian.

Do të ishte edhe ministrja gjermane e Mbrojtjes Annegret Kramp-Karrenbauer që bëri thirrje për bisedime intensive për ta bërë BE-në "një lojtar strategjik që duhet të merret parasysh" në arenën ndërkombëtare. 

Sekretari i Përgjithshëm i NATO-s Jens Stoltenberg tha se i mbështet planet e BE-së për të ndërtuar një politikë të përbashkët mbrojtëse, por paralajmëroi kundër krijimit të një force të re ushtarake.