Momenti kur talibanët dhunojnë gazetarin sepse po intervistonte një grua

Nga OraNews Përditësimi i fundit 15 Shtator 2021, 07:50

Një gazetar që intervistoi një grua protestuese në Kadahar të Afganistanit është sulmuar nga talibanët.

Qytetarët u mblodhën në rrugët e qytetit për të protestuar ndaj urdhrit, u cili kërkon largimin e 3,000 familjeve nga qyteti.

Kandahar është zonë e banuar kryesisht nga familjet e gjeneralëve të pensionuar të forcave të armatosura dhe anëtarë të tjerë të forcave afgane të sigurisë.

Ata kanë marrë urdhër të largohen vendi brenda një afati kohor prej 3 ditësh.

Lidhur me incidentin e dhunës gjatë demonstratës, gazetari i Radio Millet Zagh u sulmua nga një luftëtar taliban, ndërsa ai po filmonte një grua që po protestonte pas urdhrit të talibanëve  për tu larguar nga shtëpia.

Një dëshmitar okular tha se gazetari, viktima e sulmit, ishte duke folur me gruan para shtëpisë së guvernatorit të Kandahar, kur një luftëtar taliban erdhi dhe e goditi.

Ai shtoi më tej se gazetari kishte kërkuar leje për të filmuar intervistën, një kërkesë nga talibanët, por u bllokua nga militantët sapo intervista filloi të filmohej.

“ Ai nxori celularin dhe filloi xhirimet. Menjëherë, talibanët i thanë të ndalonte. Ai i thoshte vazhdimisht se ishte reporter dhe se kishte marrë leje për atë intervistë. Ata e goditën dhe i bërtitën, megjithatë: '' se pse po fliste me një grua? ", tha dëshmitari okular.

Sipas  Kombeve të Bashkuara, organizata islamike po fillon sulme ndaj ish-ushtarëve dhe zyrtarëve  qeveritarë që u përmbysën. Një video e publikuar tregon luftëtarët talibanë që i shtyjnë të rinjtë në bagazhin e një makine.

Ka  raporte se luftëtarët  po kërkojnë derë më derë për  të ashtuquajturit armiq, kushdo që, domethënë,  ishte bashkëpunëtor i qeverisë së mëparshme ose SHBA .

Zyrtarët e qeverisë së mëparshme janë  torturuar dhe burgosur, ndërsa të tjerët janë gjetur të  vdekur./Ora News/