Video/ Prokurori “lë nam”, del nudo në rrugët e qytetit
Nga OraNews Përditësimi i fundit 12 Shtator 2021, 18:02
Një prokuror polak është shkarkuar nga detyra pasi vajti lakuriq na market për të blerë pije alkoolike.
38-vjeçari është fotografuar në rrugët e qytetit Swidnica, në gjendje të dehur dhe tërësisht i zhveshur.
Prokurori është parë dhe me një kanaçe birre në dorë.
Ai ndodhet në një supermarket dhe pasi kryen pagesën largohet sikur çdo gjë të ishte normale.
Fotot e tjera tregojnë 38-vjeçarin i cili u emërua në Prokurorinë e rrethit në vitin 2016, duke u endur nëpër rrugë.
Qytetarët e denoncuan rastin, ndërsa policia e shoqëroi prokurorin me akuzën e sjelljeve të turpshme në publik. Prokurori i vënë në siklet ka kërkuar ndjesë për skenat e pakëndshme, shkruan DailyMail.
Eprorët e tij në Prokurori nuk kanë dhënë ende një deklaratë zyrtare se si do të ndëshkohet Maciej, i cili filloi punën si prokuror dhjetë vjet më parë dhe u emërua si prokuror i rrethit në Swidnica në 2016.
