Kuba, shteti i parë në botë që nis vaksinimin e fëmijëve mbi 2 vjeç për Covid 19
Nga OraNews Përditësimi i fundit 7 Shtator 2021, 08:38
Kuba njoftoi se ka nisur vaksinimin e fëmijëve mbi 2 vjeç kundër koronavirusit, duke u bërë kështu shteti i parë në botë që ndërmerr këtë hap.
Imunizimi i fëmijëve të grup-moshës 2-11 vjeç ka nisur prej të hënës së 6 shtatorit, duke përdorur vaksinat e krijuar vetë, të cilat nuk janë të njohura nga Organizata Botërore e Shëndetësisë.
Ky vendim është marrë pasi Kuba ka përfunduar testimet klinike të dy vaksinave të saja në fëmijë të vegjël.
Vaksinat e Kubës nuk janë analizuar nga shkencëtarë ndërkombëtarë.
Trashëgimia e Angela Merkelit në politikën e jashtme
7 Shtator, 08:19
Edhe shtete tjera në botë janë duke vaksinuar fëmijë nga mosha 12-vjeçare, dhe disa janë duke kryer testime në fëmijë të moshave më të reja.
Shtetet si Kina, Emiratet e Bashkuara Arabe dhe Venezuela kanë bërë të ditura planet për të vaksinuar fëmijë më të vegjël se 12 vjeç, mirëpo Kuba është e para që bën një gjë të tillë.
Ky ishull komunist me 11.2 milionë banorë synon të imunizojë të gjithë fëmijët para rihapjes së shkollave.
Viti i ri shkollor ka nisur, mirëpo fëmijët vazhdojnë të qëndrojnë nëpër shtëpi, duke ndjekur mësimet nga programet televizive dhe jo nga internet, pasi shumica e familjeve në këtë vend nuk kanë qasje në të.
