Ndërron jetë aktori i famshëm francez Jean-Paul Belmondo
Nga OraNews Përditësimi i fundit 6 Shtator 2021, 17:03
Një nga yjet më të mëdhenj të kinemasë franceze të pasluftës dhe buzëqeshja karizmatike ndriçoi ekranin për gjysmë shekulli, ka vdekur në moshën 88-vjeçare në shtëpinë e tij në Paris.
Me sharmin e tij, Belmondo ishte ndër fytyrat e Valës së Re së kinemasë franceze, duke u cilësuar James Dean i Francës dhe Humphrey Bogart.
Belmondo-i mbiquajtur Bébel nga audienca franceze-u bë një nga yjet më të mëdhenj në vend në vitet ‘60 dhe ‘70.
Belmondo ishte një figurë kryesore e gjeneratës së shquar të filmave evropianë të asaj periudhe, me serinë e filmave që ai bëri me Godard-të cilat përfshinin ‘A Ëoman Is a Ëoman’ dhe ‘Pierrot le Fou’ duke lënë një shenjë të pashlyeshme në art.
I lindur në vitin 1933 në periferinë e pasur të Parisit, Neuilly-sur-Seine, i biri i skulptorit Paul Belmondo, Belmondo ndoqi një sërë shkollash private elitare.
Ai tregoi më shumë interes për sportin dhe nisi një karrierë të shkurtër boksi amator si adoleshent.
Pasi u infektua nga tuberkulozi, ai u interesua për shfaqje dhe aplikoi në Akademinë Elitare Kombëtare të Arteve Dramatike, duke fituar përfundimisht një vend në 1952.
Pas diplomimit, Belmondo filloi të aktrojë në teatër, duke u shfaqur në shfaqjet e Anouilh, Feydeau dhe George Bernard Shaw.
Ai gjithashtu siguroi një varg rolesh të vogla filmike: në njërin prej tyre, komedinë e Marc Allegret të vitit 1958 ‘Un Drôle de Dimanche’, ai u dallua nga Godard, i cili atëherë ishte akoma një kritik në Cahiers du Cinéma.
