Pas tërheqjes së amerikanëve, talibanët kontrollojnë të gjitha qytetet kryesore përveç Kabulit
Nga OraNews Përditësimi i fundit 15 Gusht 2021, 08:41
Talibanët janë afruar për të rimarrë kontrollin e plotë të Afganistanit, me kryeqytetin Kabul tani të vetmin qytet të madh të mbetur në duart e qeverisë.
Të dielën militantët morën kontrollin e Jalalabad, një qytet kyç lindor, pa luftë, çka pasoi kapjen e bastionit verior të qeverisë të Mazar-i-Sharif vetëm një ditë më parë.
Rrëzimi i shpejtë i forcave qeveritare e ka lënë Presidentin Ashraf Ghani nën presion për të dhënë dorëheqjen.
Ai duket se përballet me një zgjedhje të ashpër mes dorëzimit ose luftës për të mbajtur kryeqytetin.
Ndërkohë, SHBA ka evakuuar anëtarët e stafit nga ambasada e saj në Kabul.
Të dielën në mëngjes ata po çoheshin në aeroport ku ishin parë të hipnin në gjashtë aeroplanë të mëdhenj ushtarak.
Shtetet e Bashkuara kanë vendosur 5,000 trupa për të ndihmuar në operacion.
Presidenti Joe Biden ka mbrojtur vendimin e tij për të përshkallëzuar tërheqjen e SHBA nga Afganistani, duke thënë se ai nuk mund të justifikojë një "prani të pafundme amerikane në mes të konfliktit civil të një vendi tjetër".
