Të parët për krime në Britani, marrëveshja e re: Kriminelët shqiptarë do të deportohet më shpejt

Nga OraNews Përditësimi i fundit 9 Korrik 2021, 09:46

Të dënuar shqiptarë për krime në Angli do të depërtohen me procedurë të përshpejtuar. Mediat britanike bëjnë te ditur lajmin duke iu referuar marrëveshjes që Sekretarja e Brendshme e Britanisë ka firmosur gjatë vizitës në Tiranë. Në takimin me homologun Çuçi u nënshkrua edhe marrëveshja për luftën kundër emigrimit të paligjshëm.


Shqipëria dhe Britania e Madhe kanë arritur një marrëveshje e cila ka për qëllim depërtimin e kriminelëve shqiptarë nga Anglia, sipas disa medieve britanike.

Po ashtu, marrëveshja parashikon edhe riatdhesimin në Shqipëri të azilkërkuesve e një procedurë të përshpejtuar.

Marrëveshja do t'i mundësojë qeverisë të miratojë planet e saj për largimin e shpejte të kriminelëve nga burgjet e Mbretërisë së Bashkuar të propozuar në projektligjin e saj të ri të Kombësisë dhe Kufijve.

Projektligji do të lejojë shërbimin e burgut të dëbojë një kriminel të huaj një vit para përfundimit të dënimit të tyre, në mënyrë që ata të mund të vuajnë pjesën e mbetur në një nga burgjet e vendit të tyre të lindjes.

Sekretarja e Brendshme e Britanisë, Priti Patel tha nga Tirana, pas nënshkrimit të marrëveshjes, se është e vendosur për të rregulluar sistemin e imigracionit, për të ndaluar hyrjen e paligjshme dhe për të hequr ata që nuk kanë të drejtë të jenë në Angli, sa më shpejt të jetë e mundur.

Sekretarja e Brendshme u prit edhe nga homologu shqiptar Bledi Cuçi, ku palët kanë firmosur Marrëveshjen e Ripranimit, propozuar nga qeveria britanike pas daljes së saj nga Bashkimi Evropian.

Në kuadër të detyrimeve për përafrimin e legjislacionit për Kapitullin 24 “Drejtësia, Liria dhe Siguria” nënshkrimi i marrëveshjes vjen në përputhje me angazhimet e Shqipërisë për të luftuar migracionin e paligjshëm, si një prej nën-çështjeve thelbësore ku kërkohet progres i vazhdueshëm.

Shqiptarët përbëjnë numrin më të madh të autorëve të veprave penale të huaja në burgjet e Mbretërisë së Bashkuar, gjithsej më shumë se 1,500, ose 16 përqind e popullsisë së burgjeve jashtë shtetit.