VIDEO/ Ndalohet anija me vela plot me drogë/ Kapen 13 milionë euro hashash në ujërat siçiliane
Nga Alba Kepi Përditësimi i fundit 19 Qershor 2021, 12:36
Autoritetet italiane sekuestrojnë në kanalin e Sicilisë anijen me vela me 6 tonë hashash e kanë vënë në pranga 3 trafikantë bullgarë.
Komanda operative ajro detare e Guardia di Finanza e Palermos në bashkëpunim me rojen bregdetare italiane, kanë ekzekutuar në brigjet perëndimore te Sicilisë një operacionin kundër trafikut ndërkombëtar të lëndëve narkotike në ujërat e kanalit të Sicilisë.
Për 12 orë rreth ata kanë mbikqyrur udhëtimin e një anije me vela me flamur amerikan e cila po lundronte drejt brigjeve italiane.
Pas kontrolleve e verifikimeve të rastit është autorizuar ndalimi në det i anijes me vela,
Në bordin e saj janë gjetur 6 tonë hashash.
Guardia di Finanza Italiane informon se kjo sasi droge do t'i sillte organizatava kriminale një fitim prej 13 milionë euro.
Në masën e arrestit për trafik ndërkombëtar lëndësh narkotike janë vënë tre anëtarët e ekupiazhit të anijes me vela.
Ata janë tre shtetas bullgarë.
