Mancini: E rëndësishme ta nisnim sa më mirë
Nga OraNews Përditësimi i fundit 11 Qershor 2021, 23:18
Ishte padyshim i lumtur në fund të ndeshjes Roberto Mancini. Trajneri që e ka shndërruar Italinë në një skuadër të pathyeshme tha se ishte me shumë rëndësi që skuadra ta niste me këmbën e mbarë dhe me fitore.
“Ne zhvilluam një ndeshje të mirë edhe në pjesën e parë kur nuk gjetëm dot golin. Ndeshja nuk ishte e lehtë sepse ishte debutimi për ne dhe ata janë një ekip i fortë ”.
Çfarë ndodhi sonte?
"Në këto ndeshje keni nevojë për gjithçka. Kishim nevojën edhe ndihmën e publikut. Ne jemi të lumtur dhe mendoj se ekipi luajti mirë."
Një mesazh dërguar favoritëve për fitoren finale në Euro 2020?
"Italia zhvilloi një lojë të mirë. Ishte e rëndësishme ta nisnim sa më mirë në Romë dhe mendoj se u dhamë kënaqësi publikut dhe italianëve."
Çfarë sjell një mbrëmje si kjo?
"Ishte një mbrëmje e bukur, shpresojmë të ketë shumë të tjera si këto”
Në Wembley?
“Është akoma rrugë e gjatë. Janë akoma gjashtë ndeshje të tjera."
