Çuçi përgëzon kapjen e 400 kg kokainë: Dëshmi suksesi, do të pasohet nga operacione të tjera
Nga OraNews Përditësimi i fundit 17 Maj 2021, 21:17
Lidhur me kapjen e rreth 400 kg kokainë në Lipjan të Kosovës, ka reaguar edhe ministri i Brendshëm i Shqipërisë, Bledi Çuçi.
Çuçi shkruan në Facebook se kjo goditje është një tjetër dëshmi e suksesit të luftës së përbashkët kundër trafikut të drogës dhe provë e besimit të lartë të partnerëve te Policia e Shtetit.
Sipas tij, Kjo është një luftë e vazhdueshme, që do të pasohet nga operacione të tjera dhe goditje si kjo e fundit.
Çuçi: Goditja e kontrolluar e grupit kriminal që tentoi të trafikonte rreth 400 kg lëndë narkotike e llojit kokainë në Kosovë, është një tjetër dëshmi e suksesit të luftës së përbashkët kundër trafikut të drogës dhe provë e besimit të lartë të partnerëve te Policia e Shtetit. Hetimi profesional dhe intensiv mes disa shteteve na çoi në shkatërrimin e një rrjeti të fuqishëm në fushën e narkotikëve. Kjo është një luftë e vazhdueshme, që do të pasohet nga operacione të tjera dhe goditje si kjo e fundit, për ta bërë Shqipërinë dhe rajonin një vend më të sigurt.
