Vendimi/ Kontrollorët do të zëvendësohen me të rinj vendas ose të huaj

Nga OraNews Përditësimi i fundit 8 Prill 2021, 11:44

Komiteti i Mbrojtjes Civile u mblodh online me kërkesë të për të diskutuar problematikat e krijuara në Aeroportin Ndërkombëtar “Nënë Tereza” dhe masat e nevojshme për normalizimin e situatës.

Me propozim të ministrit të Infrastrukturës dhe Energjisë, Komiteti i Mbrojtjes Civile vendosi që:
“Ministria e Infrastrukturës dhe Energjisë të marrë masat e nevojshme për të bërë operacional kontrollin e trafikut ajror, qoftë edhe duke zëvendësuar nëse lind nevoja kontrollorët e larguar me kontrollorë të  rinj vendas ose të huaj.

Ministria e Infrastrukturës dhe Energjisë në kuadër të situatës së krijuar, u ngarkua të përcaktojë kriteret minimale të licencës sipas standardeve ndërkombëtare si dhe çdo kriter tjetër të nevojshëm për të filluar fluturimet sa më parë.


Lexo dhe: Firmoset urdhërarresti për tre kontrollorë

Ndërkohë Autoriteti i Aviacionit Civil u ngarkua të marrë të gjitha masat e nevojshme për rifillimin gradual të operimit ajror dhe në rast nevoje, të liçensojë në mënyrë të përshpejtuar kontrollorët e trafikut ajror në përputhje me urdhrin e ministrit të Infrastrukturës dhe Energjisë.


Nesër nisin fluturimet

Të 19 fluturimet e planifikuar për ditën e sotme do të anulohen për tu nisur nesër. Ndërkohë sot do të jetë e hapur hapësira ajrore vetëm për fluturimet që futen në listën e fluturimeve esenciale.