Miqtë e parë specialë të Vjosa Osmanit në Presidencë
Nga OraNews Përditësimi i fundit 6 Prill 2021, 16:15
Miqtë e parë special që presidentja Vjosa Osmani priti në Presidencë ishin ata që lartësuan flamurin e Kosovës aty ku nuk arrinte dot as politika as diplomacia.
“Ka disa vjet që xhudistet e xhudistët e Kosovës janë bërë ambasadorët tanë më të mirë.
Majlinda Kelmendi, Nora Gjakova, Distria Krasniqi, Loriana Kuka, Akil Gjakova dhe shumë të tjerë "jo vetëm që kanë korrur suksese historike në këtë disiplinë sportive, por kanë ngritur flamurin dhe nderuar himnin e Kosovës edhe në vende që akoma nuk e kanë njohur Kosovë.
Këta janë pjesa më pozitive e rrëfimit për Kosovën kudo në botë.
Këta janë krenaria e kombit tonë. Me rezultatet e tyre e kanë vendosur Kosovën në hartën e botës ndaj u jemi mirënjohës secilit nga ta. Shpirti garues i xhudisteve e xhudistëve tanë mban mbi supe shpresën e rinisë sonë se asgjë nuk është e paarritshme dhe se me përkushtim, punë, pasion e disiplinë ëndrrat bëhen realitet.” shkruan presidentja në një postim në face book.
Vjosa Osmani mori detyrën të dielën e 4 prillit me mbështetjen e 71 parlamentarëve për të vijuar detyrën që nisi 5 muaj më parë.
