PDK-ja nuk e voton Osmanin, Hoxhaj: Vendim unanim i Këshillit Drejtues
Nga OraNews Përditësimi i fundit 18 Mars 2021, 10:51
Partia Demokratike e Kosovës nuk do e votojë Vjosa Osmanin për kryetare shteti dhe mund ta bojkotojë procesin për arsye politike.
Këshilli Drejtues i PDK-së bashkërendoi të mërkurën qëndrimet që partia më e madhe opozitare do të mbajë pas 22 marsit, ditën e konstituimit të parlamentit të ri.
"Këshilli drejtues i PDK-së në mënyrë unanime nuk e mbështet kandidaturën e Osmanit për presidente," tha Hoxhaj.
Kryedemokrati Enver Hoxhaj sqaroi se Këshilli Drejtues i partisë diskutoi edhe për pjesëmarrjen në seancën për votimin e presidentit.
"Pjesëmarrjen si parti politike nuk e kemi profesion, ne jemi opozitë," u shpreh ai.
LDK-ja, partia e dytë kryesore e opozitës, po ashtu ka deklaruar se posti i presidentit duhet t'i takojë një personi jopartiak, çka e përjashton si Osmanin edhe kandidatin Ramush Haradinaj.
Lëvizja Vetëvendosja ka 58 nga 80 votat që i duhen Osmanit për të mbajtur presidencën, ndërsa Haradinaj ka treguar se mund të tërhiqet nga kandidimi pasi i mungon përkrahja e nevojshme politike.
