Rama: Po bëj çmos për vaksinimin, por opozita po vendos fushatën elektorale para shëndetit
Nga OraNews Përditësimi i fundit 17 Mars 2021, 20:49
Përmes një postim në Facebook, kryeministri Rama shkruan se si ai dhe qeveria po bëjnë çmos për vaksinimin për çliruar vendin nga pandemia.
Sipas Ramës, opozita po vendos interesin partiak, fushatën elektorale, mbi detyrën për mbrojtjen e shëndetit të njerëzve.
Rama: Lufta për t'u çliruar nga pandemia është sfida e sfidave, që duhet të na bashkojë të gjithëve, duke bërë secili detyrën e vet për të mbrojtur të tjerët, me forcën e shembullit e me gjithçka ka në dorë! Unë dhe shumica qeverisëse po bëjmë çmos, për të intensifikuar vaksinimin, por pa harruar respektimin e rregullave, por fatkeqësisht opozita po vendos interesin partiak, fushatën elektorale, mbi detyrën për mbrojtjen e shëndetit të njerëzve... Ne do të vazhdojmë, pa u lodhur, të luftojmë me gjithsej për ta nxjerrë popullin nga tuneli i pandemisë, duke vaksinuar, vaksinuar, vaksinuar dhe për ta lehtësuar sezonin e ardhshëm turistik, bashkë me ekonominë e me jetën komunitare. Dhe do t'ia dalim, medoemos.
