Aksidenti i rëndë në Dajç, vinçi largon kamionin nga Benzi, identifikohet viktima
Nga OraNews Përditësimi i fundit 17 Mars 2021, 22:06
Një aksident ka ndodhur mbrëmjen e sotme në kryqëzimin e Dajçit.
Ora 22:06/ Policia ka bërë të mundur identifikimin e viktimës nga aksidenti i rëndë. Mësohet se ka humbur jetën Eduard Grishaj, 55 vjeç, banues në Shkodër.
Grishaj ishte drejtues i mjetit tip "Benz", i cili depërtoi nën kamion.
Ora 21:28/ Pas më shumë se një orë është bërë e mundur largimi i veturës nga kamioni. Mendohet se shoferi i automjetit ka ndërruar jetë. Ende nuk dihet identiteti i tij.
Sakaq po punohet për nxjerrjen e viktimës nga mjeti.
"Rreth orës 20:00, në aksin rrugor Lezhë-Shkodër ,në vendin e quajtur "Kryqëzimi i Dajçit ", mjeti tip "Benz" është përplasur me mjetin kamion, ku për pasojë ka ndërruar jetë në vend drejtuesi i mjetit tip "Benz" ende i paidentifikuar ", njofton policia.
Drejtuesi i kamionit T.M.,është shoqëruar në Komisariatin e Policisë në Lezhë për veprime të mëtejshme.
Ora 20:38/Mësohet se një automjet është përplasur me një kamion.
Sipas informacioneve paraprake dyshohet për një persona të vdekur dhe persona të lënduar.
Ndërkohë një person ka mbetur i bllokuar në makinë si pasojë e shtrembërimit të automjetit.
Ndërsa forcat e zjarrfikëses janë nisur drejt vendit të ngjarjes për ta nxjerrë.
