Xhiro në Laprakë me pistoletë në brez, arrestohet i riu libanez
Nga OraNews Përditësimi i fundit 15 Mars 2021, 09:31
Një 20-vjeçar nga Libani është arrestuar nga policia e Tiranës për armëmbajtje pa leje.
Policia njofton se kishte marrë informacion se një i ri po qarkullonte me armë zjarri në zonën e Laprakës.
Menjeherë është organizuar puna për lokalizimin, kapjen dhe prangosjen e tij.
"Falë veprimeve të shpejta dhe profesionale, Forca e Posaçme "Shqiponjat" ka bërë të mundur që në rrugën "Lord Bajron" të lokalizonte personin e dyshuar dhe ta shoqëronte atë në ambientet e Policisë. Në përfundim të veprimeve të para hetimore, nga Komisariati i Policisë Nr. 3 u bë arrestimi në flagrancë i shtetasit libanez M. B., 20 vjeç, për veprën penale "Armëmbajtja pa leje"" njofton policia.
Materialet do t’i kalojnë Prokurorisë së Rrethit Gjyqësor Tiranë, për veprime të mëtejshme.
