Elbasan, shkon për të bërë analizat, hidhet nga kati i tretë i spitalit 24-vjeçari me Covid-19
Nga OraNews Përditësimi i fundit 14 Mars 2021, 18:00
Një 24-vjeçar, i prekur nga Covid-19, është hedhur nga kati i tretë i Spitalit të Elbasanit.
Sipas asaj që raporton gazetarja e Ora News, Edisona Skënderi, i riu ndodhet nën kujdesin e mjekëve.
I riu, me iniciale H.P, ka marrë dëmtime të shumta në kokë dhe sipas mjekëve, gjendja e tij vijon të jetë e rëndë.
26-vjeçari, i prekur me koronavirus, ishte paraqitur në spital për të bërë disa analiza. Ai i ka shpëtuar nga vëmendja të atit dhe është hedhur nga kati i tretë i godinës së ish Kirurgjisë së Vjetër.
Sipas asaj që ka treguar babai, 24-vjeçari kishte kryer një tampon në një klinikë private dhe ishte paraqitur në spital për ekzaminime të tjera.
Lexo edhe: Covid-19, 653 raste të reja dhe 15 të vdekur. Ja shpërndarja gjeografike e viktimave
Ky nuk është rasti i parë dhe i vetëm kur të sëmurë me Koronavirus tentojnë vetëvrasjen nga ambjentet e spitalit.
Rasti i 24-vjeçarit përbën episodin e gjashtë kur pacientët kanë tentuar vetëflijimin në ambjentet spitalore, ndërsa në spitalet Covid dhe Covid 2 në Tiranë deri tani janë regjistruar 5 viktima.
