Mali i Zi bllokon lëvizjen në 11 komuna, shqiptarët do të vazhdojnë të kalojnë pa test negativ në kufi
Nga OraNews Përditësimi i fundit 10 Mars 2021, 18:19
Ministria për Evropën dhe Punët e Jashtme njofton se Mali i Zi ka ndërmarrë masa të reja sa i përket lëvizjes së qytetarëve.
Duke nisur nga data 10 mars, do të ndalohet lëvizja jashtë dhe përmes komunave Podgoricë, Budva, Tivat, Herceg Novi, Ulqin, Cetinje, Nikshiq, Pluzine, Tivar, Kotor dhe Pljevlja.
Ndërkohë qytetarët shqiptarë dhe ata malazezë nuk kanë nevojë të paraqesin test negativ në kufi, gjatë lëvizjeve tranzit nëpër territoret respektive.
Këto masa vlejnë deri në një njoftim të dytë.
