Stadiumin e mbulon bora, anulohet ndeshja Besëlidhja-Partizani B
Nga OraNews Përditësimi i fundit 13 Shkurt 2021, 17:13
Tapetin e gjelbër në stadiumin "Besëlidhja" të Lezhës e mbuloi këtë të shtunë manteli i bardhë i dëborës.
Kjo ka bërë që ndeshja Besëlidhja-Partizani B të anulohet.
Problematike ishte edhe situata në qytet. Për shkak të borës, autoambulancat kishin probleme me rrëshqitjen në rrugën e spitalit.
Dëbora zbardhi edhe bregdetin e Shëngjinit. Por veç pamjes fantastike pati probleme me qarkullimi.
Dy makina u aksidentuan në rrugën e Shëngjinit.
Kjo situatë duket se i ka gjetur të papërgatitur autoritetet lokale që nuk kanë marrë asnjë masë për hedhjen e kripës.
