Nuk ndalet Covid, 1152 raste të reja dhe 12 humbje jetë në 24 orë

Nga OraNews Përditësimi i fundit 13 Shkurt 2021, 16:53

1 mijë e 152 persona të infektuar dhe 12 viktima ishte bilanci i koronavirusit në 24 orët e fundit. Në spitale kapacitetet po ezauroen ndërsa policia vijon të ndëshkojë ata që nuk respektojnë masat e reja kufizuese

Mbetet kritike situata e pandemisë së koronavirusit në vend. 1 mijë e 152 persona rezultuan pozitiv gjatë kryerjes së 3 mijë e 994 testimeve në 46 bashki të vendit

Tirana, Durrësi, Lushnja dhe Fieri janë ndër qytetet me numrin më të lartë të personave të infektuar.

Në 24 orët e fundit koronavirusi shkaktoi vdekjen e 12 pacientëve të moshave 58 deri në 86 vjeç.

Në spitalet Covid në Tiranë mjekët po përballen me fluks pacientët që kanë nevojë për trajtim të specializuar.

Aktualisht ndodhen të shtruar 512 pacientë ndërsa mbeten të lirë 38 shtretër.

Edhe pse kapacitetet po shkojnë drejt ezaurimit, Ministria e Shëndetësisë nuk ka njoftuar marrjen e masave për përballimin e situatës.

Ekspertët e shëndetit apelojnë për respektim të protokolleve anti-Covid për të kufizuar përhapjen e koronavirusit.
Ata që nuk u janë bindur rregullave të reja, policia e shtetit i ka ndëshkuar me gjobë.

Së fundmi janë penalizuar me masë administrative 1278 shtetas që janë konstatuar pa maskat mbrojtëse.

Po ashtu janë ndëshkuar me gjobë nga 1.000.000 lekë secili, 10 administratorë subjektesh që po ushtronin aktivitetin në kundërshtim me protokollet e sigurisë.

Rastet pozitive të konfirmuara janë identifikuar në këto bashki: 510 raste në Tiranë, 143 raste në Durrës, 74 raste në Lushnje, 58 raste në Fier, 44 raste në Kavajë,38 raste në Korçë, 34 raste në Tepelenë, 30 raste në Elbasan, 27 raste në Lezhë, 26 raste në Librazhd, 17 raste në Shkodër, Berat, 13 raste në Kurbin, 9 raste në Kuçovë, 8 raste në Kukës, 7 raste në Krujë, Vlorë, Mat, Gjirokastër, Kolonjë, 6 raste Ura-Vajgurore, Gramsh, 5 raste në Kamëz, Sarandë, 4 raste në Pogradec, Cërrik, 3 raste në Mirditë, Mallakastër, Delvinë, Malësi e Madhe, Skrapar, Maliq, 2 raste në Devoll, Përmet, Vau i Dejës, Selenicë, Himarë, Peqin, Vorë, 1 rast në Has, Divjakë, Belsh, Dibër, Patos, Poliçan, Këlcyrë.

Në 24 orët e fundit janë shëruar 740 qytetarë, duke e çuar numrin e të shëruarve 55,983 që nga fillimi i epidemisë.

Aktualisht në 4 spitalet COVID, po trajtohen 512 pacientë, 30 në terapi intensive nga të cilët 17 pacientë janë të intubuar.

Me gjithë përpjekjet e stafit mjekësor, 12 qytetarë e kanë humbur betejën me COVID 19 në spitalet COVID, përkatësisht  7 qytetarë nga Tirana, 1 qytetar nga Durrësi, 1 qytetar nga Fieri, 1 qytetar nga Gjirokastra, 1 qytetar nga Delvina, 1 qytetar nga Kolonja, të moshave 58 -86 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.

COVID-19 – Statistika ( 13 Shkurt 2021)

Raste të reja ditore         1152

Të shëruar në 24 orë      740

Të shtruar në spitale      512

Humbje jete në 24 orë   12

Testime ditore                3994

Testime totale           410,393

Raste pozitive            91,987

Raste të shëruara      55,983

Raste Aktive               34,461

Humbje jete                1,543

Shpërndarja gjeografike e rasteve aktive sipas qarqeve:

Tiranë 20265

Fier     2980

Durrës     1770

Elbasan   1488

Shkodër  1497

Vlorë       1687

Lezhë   1122

Korçë      1036

Berat       1001

Gjirokastër 799

Kukës   467

Dibër    349